شىء جميل إنك تحب
والحب يبقى للجميع
وأوعى تهرب بالهموم
أوعاك تضيع
ولو فى يوم ورق الشجر
ياخده الخريف
جاى تانى
جاى أخضر بالربيع
ليه تفكر يوم تخون
خليك تكون دايما حنون
دايما سعيد دايما وديع
إوعاك تضيع
ليه لما تضحك
ليه تخللى الضحكه
أيوا صغيره
أفرح وأطرح ع الخدود
ضحكه خضرا منوره
والحياه لو هانفرح أو هانبكى
الحياه مقسومه لينا
مقدره
خليك منور فرحتك
خليك منور ضحكتك
وف غنوتك وف كلمتك
تكون بديع
أوعاك تضيع
ايوا السعاده ليه
بتهر ب مننا
عايشينها لحظه
مش سنه
عايشينها لحظه صغيره
خللى الحنان جواك رضيع
ولما تحزن ولما تغضب
أوعاك تكون دايما سريع
أوعاك تضيع
وشىء جميل
إنك تحب
والحب يبقى للجميع
مشاركة
اضف تعليقاً واقرأ تعليقات القراء
مشاركة
