وديع العلاوى يكتب: لو كنت الرئيس

أعدل الدستور
وأغير الدكتور
نظيف على طول

أأمّم الشركات
وأبنى كتير عمارات
مكان العشوائيات
لساكنى القبور

أرجع الأراضى
بالسيف وبالأواضى
واللى مهوش راضى
يرحل وأنا المسئول

أحاسب الوزرا
اللى بقوا أُمرا
وكتروا الفقرا
وحَزِنوا المسرور

أبعد عن الوطنى
وأجرى على وطنى
أدور جميع مكنى
وأصدر الكستور

أمنع الاحتكار
وأضرب بإيد من نار
على كل واحد جار
على حق شعب صبور

بشعبى بولادى
أحمى حمى بلادى
وأوزع الوادى
على الأراضى البور

هدخل التاريخ
من غير أمور تدويخ
وأبص للمريخ
وأطلع وأنا فخور