كيمو وأنتيمو

إدارة كيمو وأنتيمو يسعدها تواجدكم الهادئ بدون أن نسمع أنفاسكم، هُـس، ولا كلمة اعتراض من أحدكم على كيمو القصير ولا أنتيمو الطويل، فيما يدبرونه فى شئونكم التى هى ليست ملككم.

بابا كيمو مريح باله، ويقول لأنتيمو لا تشغل بالى، ودبر أنت كل شىء من وراء الستار، أنتيمو راجل منظم والإدارة عنده بين سطرين واحد منهم إن كيمو لا يقلق باله، والثانى إن كل شىء يكون معمول حسابه، فيمشى حسب كيمو ما يحلا له ولا يهم إن كان صح أو يودى هناك عكس ما الناس ماشية ويا جماله.

كل شىء يا محلاه لما يكون تخطيطه بقلم أنتيمو ووقع ياكيمو وأصدر بيانًا وقدم تحية تقدير للحن اللى غنيتوا عليه أنت وأنتيمو، من زمن قال جاهين عن المصيبة ديه إحنا غنينا على الشعب مش غنيناله. كيمو قصير وأنتيمو طويل وكده متناسقين متناغمين.

وبرضه لما يكون كيمو الصغير طويل فلابد يكون أنتيمو قصيرا من أجل التناسق والتناغم اللى نتيجته ستكون فى دماغنا زى المسمار، التسخين ماشى حبه حبه ولكن على المسار.

أنتيمو لكى يرضى كيمو كبيرة مستعد يعمل كل ما فى إيده ليكون على مزاجه. التسخين حلال على كيمو الصغير وهو وحده اللى يكون جاهز، ومن يحاول غيره يلقى ما يحبه تحت إدارة كيمو وأنتيمو، حاسب تنسى يا كيمو يا طويل إن الدنيا ما تكون بالعافية وإن شغل أنتيمو طويل ولا قصير لن ينفع فى يوم تقوم فيه ناس كانت ساكته على إدارة المهلبية لكيمو وأنتيمو. فوق قبل الأوان وصحصح واعرف إن يومك حيكون أسود من القطران.

الحمد لله كل شىء تمام فكيمو وأنتيمو فى إيديهم أمر الخيالة والديوان والعسس فى كل مكان شغال حريقة يا سلام. حاجة تفرح ولا فى الأحلام، ولكن نسى كيمو وأنتيمو أن هناك الخلاق لا ينام، مطلع، وهو وحده اللى يقول للشىء كن فيكون.

نسى كيمو وأنتيمو أن الله الديان يدبر أمرا لكل أمر، وإن النهاردة ما هو آخر الأيام، وإن لكل شىء آخر فاصحى يا كيمو وأنت كمان يا أنتيمو قبل ما تنام نومة ما فى بعدها قيام.

*أستاذ بطب القاهرة.