فيسبوك
واتساب
درس النهارده
هعلمك يعنى إيه (سلطنة)
مثال..
بصى هناك
شايفه الراجل اللى خد عوده
وشد كرسيه شويه قدام
ع وش الفرقه وعزف فردانى
أهو.. ده
أول ما النغم يفرح به
هتحن ايده ع الوتر وتحن
يحضن عوده
وأول ما يلامس الأرابيسك قلبه
يهز راسه ستين ألف مرة
من غير ما يحس
زيى بالظبط
يشبهنى تمام
لحظه طيرانى
بعد كلمة بعشقك
بعد التنهيدة اللى بتعلينى وتعلينى
من غير ما احس بردو
برمش عمال يتمرجح فوق خدى
زى عواد ع وش الفرقة
اقعد اعزفلك فردانى
