بهاء الدين حسن يكتب: خيط من نــور...!!

لساك ياباحث عن الحقيقة
داير بتـــدور؟!
عمرك فنيته
وإللى باقى منه كسور!!
لاحــد دلك
ولاحد قالك
الحقيقــه فين ؟!
***
لساك ياباحث ؟!
..................
..................
الحقيقه بقت نصين !!
نص الحقيقه ف الصدور
وإللى انكتب عنها يادوب
حبــة سـطــور!!
والبواحين متحوطين
بألف "ماذا" وألف سور!!
***
الكلمة لو طلعت تلاقى
لحاد يـواريها القبـــور!!
من قبل حتى ماتتـولـد
وتفارق حـــدود الزور!!
لكنها ......
رغم انقسام الحقيقة اتنين
ف زمن فالصو
بـقى بــوشيـــن
الكلمه الواخده ع الطيران
وعاشقه النـور
بتغافل الحراس
وبتعبر ألف "ماذا" وألف ســــــور
وتسيب لنا ـ ف العتمة ـ خيط من نور