على محمد الهورينى يكتب: مش حاسس أنك مخنوق

(العرب لا يقرأون وإذا قرأوا لا يفهمون وإذا فهموا لا يطبقون)

حاسس بأيه من الجملة اللى فاتت دى.
مش حاسس إنك مخنوق.
لو مش حاسس بكده.
أنا بعرض عليك ما تكملش الموضوع ده.

الموضوع ده للناس اللى بتتخنق بس.
أنا بقى اللى هقولك المقولة دى صح.
يعنى أنت هتقرأ وتكمل لحد الآخر.
طيب لو فهمت الكلام هطبقه.
ماشى هنشوف بس قبل ما نبدأ هسألك كام سؤال ومش عايزك تجاوبنى عليهم فى ردك.
كفاية أنك تكون أنت عارف إجابتهم.

1- هل أنت شخص مفكر؟

2 هل أنت شخص مؤثر أو تصلح لتكون قائدا؟

3- هل أنت شخص عملى؟

طيب على ما تفكر فيهم هقولك قصة لذيذة كده.

حوار بين اتنين أصحاب ماشين فى شوارع مصر.
اللى مليانة زبالة على آخرها واحد فيهم قال للتانى:

1- أيه القرف ده هو البلد ده حاله مش هيتعدل؟

2- فى المشمش.

1- تفتكر حال البلد ده هيتعدل أمته؟

2- ولا بعد 1000000 سنة كانت اتعدلت من زمان.

1- لا هيتعدل كده كده بس أحنا نغير من نفسنا ونبطل نرمى على غيرنا غير أنت بس نفسك.

2- يا عم هو أنا يعنى هغير الكون لوحدى ولو أنا اتغيرت الناس دى كلها بقولك أيه يا عم فكك من الحوار ده كل ده علشان شوية زبالة.

سمعت الكلام ده كام مرة؟!
....................

أنت أيه رئيسك فى الكلام ده أنت شايف البلد دى حالها هيتعدل ولا لا؟

عايز تعرف رأيى.
آه حالها هيتعدل.
وأنت اللى هتغير الكون ولوحدك.
اسمع بس ده مش أى كلام.

لمعلوماتك أن ربنا واحد.
وأصل الإسلام سيدنا محمد عليه السلام.
كان واحد.
أنا ممكن أعدلك كتير أوى
فرد واحد غير حاجات كتير.
بس ما ينفعش يتقالو بعد ربنا وسيدنا محمد.

بس السؤال هنا
أنت شايف نفسك صغير؟

طيب يلا اخرج من هنا بسرعة
أنا عايز الناس الكبيرة بس
طيب تفتكر أن أنا وأنت
لو إدينا فى إيدين بعض هنعمل زى ما حصل مع شركات الإنترنت وناخد حقنا؟
طيب هرجع أسألك تانى.

أنت بيتك نضيف؟
وشارعك نضيف؟
والقرية ولا المركز ولا المحافظة نضاف؟
هقولك حاجة لو أنت من مصر
أكيد لا
صح؟

طيب أنت عندك استعداد أنك تفكر أزاى الحاجات دى تنضف؟
طيب عندك استعداد أنك تخرج تنضف؟
أيه ياعم هترجع فى كلامك ولا أيه خليك معايا.
أنت هتغير الكون لوحدك.
بس بطريقة تانية والناس حوليك

نرجع للأسئلة اللى فى الأول


1- هل أنت شخص مفكر؟
2- هل أنت شخص عملى؟
3- هل أنت شخص مؤثر أو تصلح لتكون قائدا؟

طيب لو أنت مش حد من دول عايز تبقى كده
فكر كده ممكن تعمل أيه لو فيك الحاجات دى
نفكر مع بعض فى طريقة ننضف فيها مصر كلها
ومع بعض الدنيا كلها هتتغير
بس أنت تكمل وتبقى راجل للآخر.

وبعدين تبقى عملى وتخرج تعمل اللى يطلب منك
وتعرف تأثر على الناس اللى حواليك
وتخليهم يعملو كده معاك
لا هتلاقى ناس كتير تشتغل معاك
بس هتتعب شوية ولازم تتعب علشان تلاقى.

طيب أنت فاكر أن أصلا موضوع النضافة ده مش مهم.
خلى بالك أنا مش بقولك تعالى ننزل ننضف
أنا بقولك الأول تعالى نفكر وبعدين نطبق
وأن معرفناش أو ما عملناش
يبقى المقولة اللى فوق دى صح
كل اللى أنا بطلبه منك أنك تفكر
وتقول كل اللى أنت عايزه.
حتى لو حاسس إن كلامك ملوش لازمة قوله برضه.