فيسبوك
واتساب
عم محمود
من أعطاك الآلى
وعيارات البارود؟
يتمت أطفالك وأطفالى
ذبحت الورود
من أعطاك الآلى
وقالك روح
يتم عيالك وعيالى
ونام مجروح
ع الأرض لالى وعانى
واطلب طلوع الروح
من رب عالم بحالى
حليم موجود
يا غليظ القلب
العقل ليه اتجن
يتمتنا بأى ذنب
والقلب ليه ما حن
م القلب راح الحب
والأمن باع الأمن
حتقوله إيه الرب
بعد البارود ما زَن
سُعدا يا شُهدا
فى النعيم عايشين
ويا الرسول سُعدا
شايفين عيون حلوين
أما الخبيث اندثر
ملعون ليوم الدين
ويا الشيطان انحشر
فى النار ملهش مُعين
