فيسبوك
واتساب
شايفة طشاش
مشية مشيت طفل صغير
سابق نورها لليل غشاش
شايفة طشاش
والسكهة بيرمح فيها الليل
ووشوش راكبة وابور قشاش
وخطوه فـ خطوة
بيبدأ يرسم كل كلام الأرض سكاتها
واللوحة مفيش فيها ريحة اللون
يا أبيض يا أسود
يا أسود يا أبيض
حرب وعايشه ف قلب الكون
لكن تناتيش الروح بتقاوح
رافضة تموت جوه البدروم
رافضه تعيش زى الشايفين
تحت الشمس ف لليل مرسوم
بريشة موت
وجوه المعرض
راح تتخانق لوحة ولوحة
راح تتلغبط كل الألوان
يا أبيض يا أسود
يا أسود يا أبيض
سكه وخايفة من العنوان
ونهاية القصة
راح تنتصر اللوحة العايشة
تحت الشمس
ف لليل مرسوم
بخيوط النور
والنور عنوان
يا أبيض يا أسود
يا أسود يا أبيض
تحت الأرض مفيش ألوان
