فيسبوك
واتساب
عدا العمر وطول سنيـــن نفسى اتجوز بس منيـــــن
أزمة وأنا مش لاقى مكان مش لاقى أوضة ولومترين
مستنى الفرصة شباب إسكان واسطة كمان متر بألفيــــن
وبعد ما تيجى الشقة يا سيدى يقولوا مكان بلدى ومش زين
عايزين شقة براح وسوبر منطقة راقية تملا العيــــن
جبنا الشقة أزمة تحلــــت قالوا الشبكة ومهرك فيـن؟
معاى أخلاق وشهايد يامة قالوا دى ورقة تجيب قرشين
تيجى مسابقة فيها وظيفة قالوا داحلم طويل عمريـن
عايزين حاجة آخر موضة دهب ألماظ وهدايا صنفين
نادى لحفلة ودخلة ف فندق خمسة نجوم معازيم صفين
وكمان قايمة كبيرة تشرِّف قلت فقير مكسورقلبيــــــن
قالوا فقير وجاى تتجوز هات جهازك قسط وديـــن
قلت الرحمة يا خلـــق الله دا النسبة رحمة بين الطرفين
قضيت العمر أذاكر واقرا سهرت ليالى شارب مرين
تقاليد وعادات وبناتنا غالية وشهر عسلها يكون شهرين
قلت يا ناس الحمل تقيـــل قالوا جاى غيرك عريسين
رحت مبطل أنا جـــــواز وبقينا عوانس إحنا الاتنين
ليه مجتمعى أنا يظلمنـى؟ نفسى أعيش الفرح يومين
