مين هيغير مين؟
الحاكم ولا المحكوم؟
الظالم ولا المظلوم؟
الخاين ولا الأمين؟
مين هيغير مين؟
مين هيغير حزن بقاله سنين
مين راح يمسح دمع ومين هيكفينا آنين
مين هيغير مين؟
ردو يا عاقلين
مين هيغير مبدأ
مين بالتغيير راح يبدأ
مين يقدر ومين يستاهل
مين راح يتعب ومين راح يا خدها بالساهل
مين راح يحكم مين
صوت الشعب المكتوم
ولا عقل الشعب المحروم
ولا القلب الملكوم
ولا ولد اللى فى القصور ساكنين
كفايانا سكوت ولعب دور المستكين
اللى مغلوب على أمره المسكين
أحنا ما حناش مساكين
لكن الحق أحنا جوانا مساجين
بتحلم بالهروب من دوامة السنين
بتحلم بحياة من غير سجن ولا سجانين
بتحلم بالهروب من البكى والآنين
لكن الحلم ساكن على رصيف المغلوبين
فى قلوب العاطلين
فى عيون المشتاقين
فى عقول السرحانين
بنحلم لكن الحلم لساه سجين
ويوم ما نقول يا هروب
راح نلاقى الحلم يرجع
ويسأل نفس السؤال
مين هيغير مين؟؟؟؟
مشاركة
اضف تعليقاً واقرأ تعليقات القراء
مشاركة
