فيسبوك
واتساب
الحصــار مش لازم
يكون جــوه النفـــوس
مش كل أحلامنا فلوس
كل أحلامنا وطن فيه
نعيش مرفوعى الرؤس
هم إيه يعنى
غير حفنة لصوص
خلوا أحلامنا كابوس
والحصار مش لازم
يكون جوه النفوس
ليه يا بكره
هستنا كام ستين سنه
علشان أعيش من غير حصار
ولا وسط بيتى فيه جدار
أنا فى انتظارك
وأنت يا بكره
فى انتظار
الجـــــدار
الحصـــار
امتى يطلع النهار؟
والنهارده؟
النهارده
الجوع والخوف والدمـــــــار
والنفوس جـــوه الحصــــــار
بيقولوا
أى ليل آخره نهار
وده ليل طويل
من غير دليل
امتى أروح القدس؟
وامشى فى الخليل؟
لو مستحيل هاقدر
أكيد على المستحيل
وأقدر على رد الجميل
وأقدر أكون فى الليل دليل
