يابنى دمى يندهـــلك بقلبى وروحى بشتاقلك
وعيت تقولى يا بويا ده أنت نعمة وهديـــــــة
كبرت قدام عينيــــــــي خطواتك حاسبها بايديا
من وأنت طفل صغــــير بتضحك ضحكة شقية
ده أنت دمى فى عروقي وأختك وأمك ضلوعى
عايش بأحلام مستنـــــى تكبر تفرحلى قلبــــــى
قلت تشيل عن كتافـــى حمل تقيل وتساعدنى
شفت صبرى وشقايــــا فى زمن صعب تعبنى
يا بنى ده أنت اللى لى
مشيت وماسك إيديـــــك خايف تضيع من ايديا
إيه اللى بدلى حالك وفرق بينى وما بينك
عمرى وقلبى وعينيى مشيت وواخد قبالك
يا بنى حس بدموعى أو حتى قدر ظنونـــى
عايزنى أقولك سامحتك بعد ما طفيت شموعى
كافحت عشانك كتيـــر حبيت تكون لى صديق
ينور قلبى وعينيى
يا بنى ده أنت اللى لى
طريق يوصلنى بيك حاولت اشق بايديا
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة