فيسبوك
واتساب
عامل فيها حزين
وقاعد ساكت من يومين
بكلمك تقول عندى صداع
والقلب مليان أوجاع
ومش ناقصك
احكى لحد تانى حكايتك
امشى صدقنى مش وقتك
وأروح وأرجع
ألاقيك زى ما أنت
ساكت خالص
غرقان ف بحر حزنك
اقولك قول اتكلم
من ايه بس بتتألم
تبعد بعيد الناحية التانية
وترفض تسمعنى ولو ثانية
وأفضل أنادى عليك
قولى فى ايه
احكى ربنا يهديك
ولا فيه فايدة
اقولك براحتك
انا مقدر حزنك
كنت زيك مرة
بكرة تروق وتحلى
وترجع تغنى أغانيك
