أنت يللى أنت حرامى
يللى بتسرق فى الناس
أنت بتضحك على نفسك
ولا بتضحك ع الناس
رزقك مقسوم من ربك
رزقك مش عند الناس
انصب واعمل شاطر
بس خليك فاكر
رزقك مقسوم من ربك
رزقك مش عند الناس
معترض اليوم على رزقك
وعايز رزقك بأيدك
طيب خليك فاكر
ميلادك ما كنش بأيدك
واللى قدر خلقك
قدر الرزق كمان
فهمت كلامى يا شاطر
ولا لسه فى توهان
تعترض اليوم على رزقك
ولا فى الخلق كمان
لو شاطر غير شكلك
ولا العمر كمان
علشان تبقى مصيبة
وجبت لنفسك توهان
رزقك مقسوم من ربك
رزقك مش عند الناس
الرزق يحب الخفية
مش خفة أيد يا عنيه
ولا نصب على المخاليق
ولا وضع الأيد فى الجيب
رزقك مقسوم من ربك
رزقك مش عند الناس
ارضى بقدرك ونصيبك
والرزق دا نصيبك
مقدر مقسوم من ربك
تعترض اليوم على رزقك
ما ينوبك غير نصيبك
الرزق ما بيد الإنسان
لو كان لكنا فى خبركان
وماتت ناس من الجوع
وناس من جوعها دموع
لكن سبحان الرزاق
قسم الرزق دا بحساب
رزقك مقسوم من ربك
رزقك مش عند الناس
عم أنت ياللى أنت حرامى
حرام اللى بتعمله فى الناس
السرقه عندك فلوس
لآ دالسرقه أحلآم الناس
تعرف مين اللى سرقته
وحاله ايه فى الناس
والقرش اللى كان فى ايده
كان حلمه ومحتاجه ياهلآس
حطمت حياته وأحلآمه
وفيه شمت الناس
مش خايف دعوه يدعيها
ينهز ليها ألإحساس
وتكون نهايتك بقبولها
وتكون النار ياخناس
رزقك مقسوم من ربك
رزقك مش عند الناس
فوق أنت ياللى أنت حرامى
من جهلك وظلم الناس
وأبعد عن ذنبك وذنوبك
وأرجع لله بأخلآص
وأستغفر ربك لذنوبك
ورجع حق الناس
لاتوبة تنتهى وساعتها
لاندم يفيد ولآإخلآص
وأفهم كلآمى دى نصيحة
خالصه لله بإخلآص
رزقك مقسوم من ربك
رزقك مش عند الناس
مشاركة
اضف تعليقاً واقرأ تعليقات القراء
مشاركة
