هناء المداح تكتب: بعها وخلّص

خصخص أصأص بعها وخلص... ولا تتردد يله أوام

مش شايفينك ولا سامعينك... خذ راحتك أوى سبنا ننام!

بيع مصانعنا بيع مصالحنا... مش هنقول ليه كده وبكام؟!

إذا يوم ثرنا ولاّ زعلنا... آهى هيصة وهو كله كلام!

إيه راح يحصل لما نثور؟... غير إنه دمنا بيفور

وبنفضل نصرخ ونقول... ولا تتغير أى أمور!

ليه أراضينا تروح ببلاش؟.!.. على شركاتنا ليه ما نبقاش؟!

إيه ذنبه العامل يتشرد؟!... يبقى فى بلده ولا يسواش!

دى بلدنا ليه نفرط فيها؟!.. ليه نخصخص ونبيع أراضيها؟!

إزاى هانت بس علينا؟!.... مين غيرنا هيقدر يحميها؟!

خوفى ليطلع مرة نهار.... نلقى خواجة جاى ع الدار!

بيهددنا إنه يشردنا!... لو أخرنا عليه الإجار!

مين عارف ييجى يوم يبيعونا!... ييجوا على حياتنا يساومونا!

نبقى عبيد كدة للأسياد.... على لقمتنا هيذلونا!!