هايدى دياب تكتب:البداية

البداية..
كنت حاسة إنك انت شىء جميل
وعمر ما حد خد مكانك ولا عمرى هايجى بعدك بديل
بعد فترة جيت وقلت خلاص زهقت حان ما بنا الرحيل
ولما فقت كان خلاص خلص الكلام ورجوعك أصبح مستحيل
أوام جريت عليك وقلت .. بُعدى ليه بقى سهل عليك
فين كلامك فين غرامك فين لهفة نظرة عينيك
ما بقتش حاسة غير جمود وبرود لما بلمس ايديك
رديت وقلت مابقتش عارف ليه مش قادر احن ليك
قمت سكت واستكفيت وقلت كفايا خلاص إهانة
ايوه عرفت ان قلبى مابقاش له عندك مكانه
الصراحة والوضوح بررت سبب الخيانة
خلص الكلام روح خلاص لايمكن هقبل بالمهانه
أيوه ضعفت وكرهت ضعفى لأنه ما صنش كبريائى
قولت ابعد فتره علشان ألملم فيها إللى باقى
ولما ارجعله تانى فى يوم أعرف اتحكم فى اشتياقية

النهاية..
عرفت أنى ذكرى ممكن نشتهيها
والحاضر لما امتلكنى قلت دموعى لازم اداويها
وهى دى كانت مكنتى ولما تبقى نهايتى عندى ذكرياتى أولا بيها