رسالة إلى كل العالـــــــــم
غرب وشرق وبيض وسود
ليه الدم الطاهر يسيـــــل؟
وقلوبنا قاسية وفيها بـُرود
يا ما ناس محتاجة قوتهـا
وكل فلوسنا سلاح وبـارود
وناس شبعانة بترمى البحر
وشعوب مش لاقية حتى الدود
وليه بندمر كل ســـــــلام؟
وصوت الحق طريقه مسدود
ليه بنزرع شوك وعداوة؟
وندبح طفل فى عمـر ورود
حرب وقتل كمان تشريـــد
ودمار فى كل مكان موجود
فين العقل بتاع إنســـــان؟
ضاع وبتسخر منه قــــرود
وضمير العالم أخرس أعمى
منزوع الرحمة عليه قيــود
معايير مزدوجة كإنها غابـة
ضعيفها فيها بتاكله أســود
تسليح نووى وحرب إبادة
قنبلة فسفورى أوعنقـــــود
هوا المخ دا فينا اتجـــنن!
ولا دا تار من عهد جـــدود
دا إحنا ابونا حـــــوا وآدم
جرجس ديفيد أو محمــــود
ليه بنكره بعض نعـــادى؟
وسلاحنا على بعضينا ممدود
صورة مقلوبة فى كل الكون
غباء متناهى بكل حـــــدود
ليه الشر بيملا قلـــوبنا؟
قلب بيقسى والتانى حسـود
وليه الكل عايش متــوتر؟
غدر ومكر كلام مشــــــدود
تعالوا نبنى بجد ســــــلام
نحفظ ود نصون عــــــهود
نلقى حياتنا بقيت جـــــنة
ونزرع حب بنينا يســــــود
ليه بنحطم أجيال جايـــة؟
تتيتم تلقى أبوها مفقــــــود
ابنك يلقى الدنيا خـــراب
يكره إنه فيها مولــــــــــود
عايزين شمس سلام تنور
والحب ينادى يــلاقى ردود
تعالوا نمد إيدينا لبعــــض
ولا َّ دا حلم وعايز شهـــود
بصمة عار فى جبين العالم
لما دعاة الحرب تقــــــــود
يا صوت العالم يا حكـماء
إمتى ضمير العالم يعــــود؟
مشاركة
اضف تعليقاً واقرأ تعليقات القراء
مشاركة
