رامى محمد زين يكتب: فى حب مصر

بحبك يا مصر وبحب ترابك.. بحبك فى شيخوختك وشبابك.. بحب كل راجل دافع عن ترابك..
وكل طبيب عالجك من إللى صابك.. بحب كل مهندس بنالك عماره.. وكل جزار مبعش لحمة كلبة أو حماره.. بحب كل حلوانى بيعمل بسبوسه.. وكل مسئول عمره ممشاها كوسه..

بحب كل قاضى فى حكمه أصاب.. وكل محامى ميكونش نصاب.. بحب كل مصرى بيساعد فى حل البطالة.. وبحب كل العمالة والأيدى الشغالة.. بحب كل مصرى رفيع أو تخين.. وكل إللى يكره المخدرات والتدخين.. بحب كل مصرى شريف.. وكل خباز خبزلنا رغيف نظيف..

وبحب الخضار وبالذات الملوخية.. وبالذات لو مكنتش بالمجارى مروية.. وبحب اللحمة أم أسعار نار.. وداخل جمعية عشان أشتريها أول ما ترخص عند الجزار.