ظهر فى الأسواق مؤخرا فيديو كليب بعنوان شريعة الزوجة الواحدة يدعم الكنيسة فى معركتها مع حكم المحكمة الإدارية العليا بخصوص الزواج الثانى، الفيديو كليب من تأليف مؤلف الترانيم رمزى بشارة وأداء وتلحين المرنم سامح عبيد، وإخراج ميشيل منير وتم بثه على القنوات الفضائية المسيحية أغابى وقناة سى تى فى.
وحصلت اليوم السابع على كلمات الفيديو التى تقول:
ده كلام ثابت لا يُنسَى
مكتوب من البداية جوه سِفر التَّكوين
خلق ذكر وأُنثى
يعيشوا للنهاية مع بعض مُتَّحِدين
شريعة الزوجة الواحدة
من قوانين السَما
الله قال الطَّلاق لِعِلِّة الزِّنَى
يبقى مفيش كلمة تِعلَى فوق كلمة ربنا
الله لازم نطيعُه أكتر مانطيع النَّاس
وعشان كده مُستَحيل نِوافق عالمَساس
بكلام هُوَّ اللى قالُه
لو سما أو أرض زالوا
برده هيفضَل كلامُه باقى وعالعين والرَّاس
هَنعيش دايماً بِنِعمِل إللى موَصِّينا بيه
مش هنفَرَط فى حَقُّه لو حَتَّى جرى لنا إيه
لو حَتَّى نموت ومالُه
لو مهما علينا قالوا
بردُه مَفيش غير كلامُه هَنِحنى راسنا لِيه
فيديو كليب بعنوان شريعة الزوجة الواحدة
كتب جمال جرجس المزاحم
مشاركة
اضف تعليقاً واقرأ تعليقات القراء
مشاركة
