سرور ينفعل على "الأغلبية" ويناشد عز تنظيم النواب

انفعل الدكتور أحمد فتحى سرور رئيس مجلس الشعب فى الجلسة العامة اليوم الاثنين، على نائب الأغلبية سعد نجاتى بسبب إصراره على طلب الكلمة من الدكتور سرور حول مشروع قانون الضمان الاجتماعى، وقال سرور "أنا مش عايز أى نائب يجى على المنصة، ومش هاديك الكلمة، مش بالعافية، وبعدين عايز تاخد الكلمة زى المعارضة انضم ليهم.. دا المعارضة بتاخد 1 مقابل 4 من الأغلبية"، وتابع "ما يحدث من النواب إخلال بالتقاليد البرلمانية، مفيش مجلس فى العالم يحدث فيه هذا".

ولم يمتثل النائب سعد نجاتى لكلام سرور وظل يلوح بيده، فانفعل سرور بشدة وقال له "تعالى اشتغل وصى عليا"، ثم ناشد سرور زعيم الأغلبية أن ينظم نوابه قائلاً "على المهندس أحمد عز أن ينظم نوابه وأن يقول لهم القواعد البرلمانية، هو أيه ده الواحد بيشوف العجب"، وأضاف "المهم إن النائب أصلاً لم يتكلم فى الدورة البرلمانية غير 5 أو 6 مرات، بس دا طول عمره ما بيتكلمش".

توجه النائب إبراهيم الجوجرى ليهدئ سرور، وأعطاه قطعة حلوى، فرد سرور "دى حاجة تفلق.. وبعدين نظموا الناس دى، أمال عاملين فيها زعماء أغلبية".