فيسبوك
واتساب
اسمه وقلمه جوه القلوب محفوظ
والشعب بيك يا نجيب محظوظ
لو غاب بجسمه سايب لبلده كنوز
تحكى تاريخ وحضارة ليها سنين
فى السكرية مصر العفية
تصرخ تقول
لأ يا احتلال
والسيد أحمد عايش لكيفه
بس السياسة لابنه كمال
وزقاقنا دق
قلبى اللى رق لعيون حبيبة
بداية هيه ولا نهاية
دى قصة فيها مليون حكاية
بقلمه صاغ مليون حكاية
فعلا كنوز
نوبل نادتله
لعنده جاتله
وبشوق قالتله
دا حق قلمك ومش حظوظ
اسمه وقلمه جوه القلوب محفوظ
