كان ياما كان.. فى سالف العصر والأوان
كانت الشرطة فى بلدنا.. مصدر سلام وأمان
أيام ما كانت بتصون حياتنا.. تبات وتسهر على راحتنا
مهتمة بينا بتخاف علينا.. كان ليها هيبة وده كان زمان
دلوقتى راح كل اللى كان.. ضاع السلام ضاع الأمان
خلاص بقينا ملطشة.. والمستخبى كله بان
تلفيق وظلم ومرمطة.. تعذيب وقتل وشلفطة
كل الأمور متلخبطة.. مافيش كرامة للإنسان!!
المصرى ليه مالوش ثمن.. من غير سبب ليه يتسجن
دمه مباح عرضه متاح.. أرخص هدية للسجان
فوق القانون دول ولا إيه؟.. بيدمرونا بس ليه؟!
ولا القانون فيكى يا مصر.. منداس ومنداس الغلبان؟
يا رب نجى المظلومين.. داوى جراح المجروحين
واثأر لكل اللى اتظلم .. كفيانا كدة بقى أحزان
مشاركة
اضف تعليقاً واقرأ تعليقات القراء
مشاركة
