اللجنة جاهزة وكل شىء اتظبّط
صندوق جناب البيه وصل متربّط
فوق نص نقل مقصّها متخبّط
والدايرة قابضة وعم عبده اتعشّى
صاحبك قفل لك شارع السبتية
و"البوكس" واقف جار وابور ميه
لو حد مرّ مالوش سعادتك ديّه
غير الحبايب والحبايب خشّه
حبة عيال ماسكين يفط ودياوله
رابطين على ناصية محل مقاوله
كرمش فإيدك خمسمية وناوله
صاحب المحل يهشّهم بمقشه
والزفة يا سيد الحبايب خارجه
منصورة من قهوة سنية العارجة
تخزى عيون الحاسدين الزرجا
منها بتوع أبريل ومارس كشّة
ماتخافش يا سيدنا ح اتنجح تانى
وح تدخل المجلس وتصبح جانى
تيجى الحصانة تسلكك حلوانى
بعدين على شط "التيميز" تتمشّى
*خبير اقتصادى
مشاركة
اضف تعليقاً واقرأ تعليقات القراء
مشاركة
