صدر حديثا عن دار الثقافة العربية ديوان جديد بعنوان "واحد م الناس" للشاعر "أحمد الهمامى"
وهو الديوان الثانى للشاعر.يقع الديوان فى 228 صفحة من القطع المتوسط.والديوان عبارة عن 214رباعية .
يشير الهمامى فى مقدمة ديوانه إلى أنه لم يكن يسعى إلى امتهان مهنة الشعر، أو التكسب منه، ويكفيه منه أن يكون هو الطريق الذى يعبر من من خلاله عن رؤيته للأحداث والسلوك والمتغيرات التى تحدث فى العالم الذى يحيا فيه.
حيث يقول الشاعر "أنا أؤمن أن مهمة الشعراء الأولى هى السعى نحو طرح الصورة الحقيقية للمجتمع
والعالم الذى يحيون فيه من سلبيات وإيجابيات ومتناقضات ومتغيرات وتنبؤات ومفارقات وفكاهة.فالشعر
ليس مجرد عواطف..فالشاعر هو من يشعر بالآخرين"..
ومن أجواء الرباعيات يقول:
يا رغيف العيش يا ابو خمسه بربع مالك كده زعلان منا
تقلان كده ليه عملنالك ايه ليه كل يوم يطلع عينا
واقفين م الصبح ف طوابير وبيموتوا من الحر كتير
أمال لو كنت يا عيش لحمه كان مات كام واحد هنا بينا
وآه
أنا بستنجد بيكوا يا عالم يا بتوع نجدة الحيوان
أعتبرونى مجرد ضفدع وانا هتبرا من الانسان
عايز لقمه وهدمه نضيفه نفسى ف عيشه شريفه لطيفه
ونفسى أعيش و يكونلى كرامه وما اتلطشى ولا اتهان
وآه
أصدق مين فى دول
واكدب أنهى قول
الاتنين عايزنى منهم
وانا انسان جهول
وآه
احنا بنشرب نفس الميه وبرضه بناكل نفس الأكل
واللى يشوفنا ما بيفرقنا لاننا صوره ونفس الشكل
احنا لايمكن نقبل ابدا نبقى اتنين والروح فينا واحده
احنا بنعلن اننا واحد واللى رابطنا الروح والعقل
وآه
