◄◄ محمد أحمد على: أنا اشتغلت حاجات كتير لحد ما اتخصصت فى تجارة الصنف
«الدنيا صعبة صحيح ومافيش فيها مكان غير لأصحاب القوة والمال ومايعرفش يعيش فيها غير اللى قلبه ميت، أنا كنت فاكر كده، بس اتضح إن الكلام ده مش صحيح، ممكن الواحد يعيش بشكل أفضل لو بقى بنى آدم بجد، صاحب أسرة وعيال يخاف عليهم، وسمعة نضيفة يعيش بيها بقية عمره».. كانت هذه كلمات محمد أحمد على الشهير بالمرعب، الذى يبلغ من العمر 30 سنة بعد سقوطه فى قبضة المباحث بتهمة الاتجار فى المخدرات «حشيش وبانجو وأفيون، كوكتيل مواد مخدرة».. معروف بين أهل المنطقة بأن قلبه ميت ولايخاف من أحد ولديه العديد من الطرق الماكرة التى يستطيع الهرب بها من الشرطة جوا من خلال تسلق أسطح العمارات والبيوت، فى لمح البصر يختفى ولايستطيع أحد أن يلحق به، وبحرا فى ترعة الاسماعيلية يسبح حتى يصل إلى الضفة الثانية وبعدها يختفى.. يعرف طريقه جيدا ولكن أخيراً سقط المرعب فى يد الشرطة. قال: لم أكن أتوقع أننى فى لحظة سأكون محبوساً بين أربعة جدران، كان لدى إحساس غريب بأننى لا يمكن أن أقع فى قبضة الشرطة، ربما لأننى حريص جدا وتدربت كثيرا على مطاردات الشرطة. وأضاف: «أنا باخاف موت من السجن جايز كل اللى أعرفه دلوقت إنى اتقبض علىّ وياعالم أخرج امتى.. المسألة ببساطة بدأت معايا زى أى حد بيشرب مخدرات وبقيت صاحب مزاج، اتعرفت على تجار كتير كنت بأشترى منهم المزاج لى ولاصحابى، وفكرت أتاجر ونجحت فى أنى أعمل زبون والمدمنين كتير من محافظات كتيرة حوالينا كانوا بيشتروا منى وكل ماكان الزبون من خارج المحافظة وجاى عن طريق حد معرفة كل ما كان أحسن فى الدفع وفى الأمان، الناس كانت بتخاف منى وكانوا بيشوفونى وانا بابيع المخدرات للزباين فى الشارع ولا يستطيع حد أو يجرؤ على إبلاغ الحكومة وده مش ذنبى الناس هى اللى كانت بتخاف وده أدانى جرأة أكتر حتى إننى لم أضع فى اعتبارى أى حد.
أنا اشتغلت حاجات كتير لحد ما اتخصصت فى التجارة، كان نفسى يبقى لى بيت وأسرة ولكن ظروف شغلنا حرمتنى من البيت والاسرة، أنا طبعا نادم ونفسى أعيش بنى آدم محترم بين الناس محبوب غير مطارد من حد».
هذه كانت كلمات المرعب بعد أن ألقت مباحث الإسماعيلية القبض عليه برئاسة العميد ياسر صابر، مدير إدارة المباحث، والعميد هشام الشافعى، رئيس المباحث، وبدأت ليلة القبض عليه بمعلومات وردت لمكتب مكافحة المخدرات برئاسة اللواء محمد ثروت بأن المتهم زاد نفوذه بمنطقة شل وأصبح خطرا يهدد الأمن العام لارتفاع نسبة التوزيع من الحشيش والأفيون والأقراص المخدرة فتم عمل كمين شاركت فيه قوة من مباحث قسم ثان برئاسة المقدم أحمد شعيب، رئيس قسم المتابعة بمديرية الأمن، والمقدم عصام حافظ رئيس مباحث ثان، والنقباء أيمن وهبة وعماد عبدالروؤف وعمرالجوهرى معاونى قسم شرطة ثانى الإسماعيلية وألقى القبض عليه أثناء قيامه بمقابلة أحد عملائه من المدمنين وأحيل للنيابة فى المحضر رقم 1430 لسنة 2010 قسم ثانى الإسماعيلية برئاسة أحمد هلال وإشراف عام المستشار عصام عبدالمطلب المحامى العام لنيابات الإسماعيلية، وبمواجهته بالتهم المنسوبة إليه وهى الاتجار وحيازة المخدرات وفرض النفوذ والقوة، وبعد عدة محاولات إنكار اعترف بجرائمه فتم حبسه أربعة أيام تم تجديدها بـ15 يوما أخرى لحين عرضه على قاضى المعارضات لإحالته إلى الجنايات.
لمعلوماتك...
◄ 25 قضية سجلت ضد 12 بلطجيا فى الإسماعيلية فى عام 2009
