نفسى أقولك بحبك بس مش قادر
حياتى كلها دوامات
شوية جروح وشوية آهات
ومخنوق وحياة ربنا ع الآخر
كل ما أطلع من مشكلة
الاقى غيرها حاضر
ما تقوليش بينا نسب
والله حاجة ليها العجب
وتجنن العاقل
ده انا بتيجى على ايام
لو قلت لى اسمك ايه
اقولك مش فاكر
نفسى اقولك بحبك
نفسى تاخدينى منى
تخبينى ف حضن القلب
وتقفلى على قوى وتدراينى
وبينك وبين نفسك تحكينى
وتردى لى المعنى (بحبك )
وادوب وانا بسمعها
وادوب وانا سارح ف رمشك الساحر
انا وانت صفحة ف كتاب العشق المسافر
ومركبنا تايه فى عرض البحر
ولكل الشطئان رافض
وكل الناس يحسبونا اتنين
ومش عارفين اننا واحد
الحب ساكن مشاعرنا
وعمرنا ما نتباعد
مشاركة
اضف تعليقاً واقرأ تعليقات القراء
مشاركة
