فيسبوك
واتساب
كده هنت عليك
من بعد الحب اللى ما بيّنا تخاصمنى عينيك
وتسيبنى أأاقاسى لوحديّا م اللهفة عليك
طب قوللى أزاى!!!!!
استنى أنك ترجع ليا وألاقيك مش جاى
هوه اللى ما بينّا ماكنش مشاعر غالية عليك؟؟؟
لو كنت غلطت فى حقك آسفة
بس بلاش تدبحنى عينيك
أنا ممكن أوافق روحى تروح
بس الأول تسامحنى عينيك
كده هونت عليك!!!
أزاى بيطاوعك قلبك عنى حبيبى تغيب
لو تبعد عنى... مين راح يبقى لقلبى حبيب
وإن ألمى يزيد....راح فين أنا ألاقى لجرحى طبيب
كده هونت عليك!!!!
غلطة وعديها أنا ياما سامحتك برضه كتير
أصل اللى يحب تملى يسامح... قلبه كبير
لو لسة فقلبك ليّا مكان.. ضمنى بعينيك
كده هونت عليك!!!!!
