صباحــــك يا مصــــــــر
بقى صبــــــاح المشاكل
والتأكل اللى صاب الناس
اللى مش لاقيــــــه تاكل
والفقر اللى ملهشى حصر
صباحـــــك يا مصــــــــر
بقى صباح معطر بالفقر والأحتياج
صباح فطاره بدل الفول والفلافل
بقى صباح إعتصام وإحتجاج
صباحـــــك يا مصـــــر
بقى صباح مليان بالأسئلة
صبـــــاح سرطان الفساد
والكلى .. اللى بتغسليها بمية
مجـــــــــارى معفنــه
صباحـــــــك يا مصـــر
صباح شركات متعطله
و صـــــارت خـــــراب
معشش البوم فيها ومغطيها التراب
صباحـــــك يا مصــــــر
صباح مليان بالفزع
صباح الأمان اللى إتنزع
من قلوب المغلوبيين
على أمرهم .. طول عمرهم
صباحـــــك يا مصـــــر
صباح ضحايا الخصخصة
والعيال اللى قاعدة مرصصا
على القهاوى لا شغله ولا مشغله
عشان الكوسه والواسطة
هى اللى بلدنا مترخصه
صباحــــــك يامصـــــــر
كل يـــــوم مبـــــارك
مفيش صباح لنور أو برادعى
يعنى نفيش حد تانى فى إنتظارك
صباحك صباح جمال
والجمال دا مش إختيارك
صباحــــــك يا مصــــر
صباح عتمه ونوره
مش بيمـــــر
حتى زرعك طرحه الحلو بقى مر
صباحك يا مصر صباح مسجون
مش طليق ولا حر
صباحــــك يا مصـــــر
زى صبـــــاح المُغنيـــة
لسه بتكدب على نفسها
عماله تشد فى وشها
مش عايزة تفهم إنها عجوزة محنية
صباحـــــك يا مصـــــر
صباح مفهوش أمل
طول ما الوطن بقى أسمه وطنى
والهلال مبقاش هلال
طول ما معــــــاه الجمل
صباحــــك مصــــر
صباح محفوف بالخطر
بعد بساط الريادة والقيادة
مـــــــا أتسحـــب
من تحتك .. وأصبح هنـــاك
فيه دبى وقطر !!
صباحـــــك يا مصــــر
صباح أسود وكوبيا
لما تخافِ يقطعوا عنكِ
شــــريان حيـــــاتكِ
وتترعشى عشان السدود
اللى اليهود بنوه فـ أثيوبيا !!
صباحـــك يا مصـــر
صباح أكيد فيه مرمطه
وزحمة وطوابير ودنيا ملغبطه
صباحـــك يا مصـــر
صباح مليان بالأونطه
والى زاد وغطى
إن اللى بيدن فـ مصــــر
زى اللى بيدن فـ مالطة
صباحــــك يا مصـــر
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة