عمرى ما حاولت أغنى
أصلى لو غنيت
مجنون مين هيسمعنى
هى الناس ناقصة جروح
عشان أزود همهم بهمى
كل واحد حزنه مكفيه
وماحدش فاضى لحزنى
عمرى ما حاولت أغنى
أصلى لو غنيت مجنون مين هيسمعنى
..............................................
أيوه بحبك
وحافظ كل قصايد شعرك
كنت بجرى وأجيلك
فبل لقاكى بساعة
تيجى تلاقينى مستنى
كنتى الفرحة وكنتى الدفا
وكنت وفيه
فى زمن ميعرفش الوفا
وفجأة روحتى
فين معرفشى
سافرتى
هاجرتى
وقلبك الطيب مقدرش أقول خان
بس اختفى
وسابنى
ورغم إنى مش فاهم حاجة
عمرى ما حاولت أغنى
أصلى لو غنيت مجنون مين هيسمعنى
...................................................
دايما بلم جروحى
وأخبيها فـ صدرى وروحى
بعيد عن كل الناس
بخاف يسمع عنها حد
واهزر واضحك
وانا مخنوق م الجد
بس أعمل ايه
لسه بحلم بزمن يعود فيه الود
وقلبك الشفاف يعود ويفتح لى
وساعتها يمكن أحاول أغنى
مشاركة
اضف تعليقاً واقرأ تعليقات القراء
مشاركة
