عبد الحميد بدوى يكتب: اللى بيحب مصر يحب البرادعى

ونا بحب مصر وبحب البرادعى
شبعنا تزوير ونهب وفساد ومحسوبية
شبعنا ظلم ورشاوى ونفاق وبلطجية
لاصناعة فيه ولا تعليم
والمبرر ان احنا كتير
ونسينا إن أهم ثروة
هى الثروة البشرية
وأهم إنجازات للحكومة
مع احترامى للحكومة
إنجازات كروية
ورغم كتر الأهداف
اللى فى البطولات الأفريقية
إلا أنى نفسى أشوف على الأرض
أهداف إستراتيجية
نفسى أشوف نقلة نوعية
علشان مصر تبقى دولة قوية
لازم يكون للشعب كلمة
صدقونى لو اتغيرت مصر
هتتغير الأمة العربية
شوفوا الظلم والوقفات الاحتجاجية
وبتوع الحزب الوطنى بيقولوا ده دليل
على الديمقراطية والحرية
وأنا بقولهم ده دليل على الخيبة القوية
واحد بيقبض 5 مليون
وشعب بيدور على قوت اليوم
يارب يارب الرحمة من عندك شوية
وأرجع أقول لنفسى عايز إيه
من بلد بتستورد العلم والسبحة والمصلية