فيسبوك
واتساب
ورقة وقلم يعنى مذكرات
بيحكى فيها واحد عن الماضى واللى
فات
عن حبه الأول عن الأمنيات
عن الهمسات والصرخات والشطحات
بيحكى فيها عن الذكريات
عن أفراحه وابتساماته
عن دموعه ويا آهاته
بيحكى فيها عن لمة حلوة
عن أصحابهم وصحابتهم
عن خروجاتهم ورحلاتهم
عن صورة حلوة رسموها لحياتهم
************************
ورقة وقلم
ورقة وقلم يعنى كتاب تاريخ
بيحكى عن نضال
قال للظالم الجبار
مهما طال الليل لابد من طلوع
النهار
بيحكى عن كفاح
عن عصور الظلم والاجتياح
عن هتك أعراض العزارة
والكل صامت
وكل شىء مستباح
**********************
ورقة وقلم
ورقه وقلم يعنى صحيفة
تقول للفساد لا
لابد من ظهور الحق
تحارب بسيف من حديد
ضد المحسوبيات
والسرقة فى الوزارات وفساد
المحليات
وتوريث السلطات
************************
ورقة وقلم
ورقة وقلم يعنى مجلة
فيها مين رقص ومين غنه
فيها أخبار الفنانين والفنانات
أسرار البيوت والطلقات
والجوازات
فيها إشاعات
************************
ورقة وقلم
ورقة وقلم يعنى جريدة
فيها أخبار الأمم العربية
والاتفاقيات الدولية
فيها أسلو وجنيف
فيها اللى فات مات
وفيها الحرب على الإنسانية
باسم محاربة الجماعات الإرهابية
والقضاء على الأسلحة النووية
************************
ورقة وقلم
ورقة وقلم يعنى حكم قاضى
هوه عنوان الحقيقة
بعد مناقشات ومداولات
وكلام محامين ومحاميات
والاطلاع على الأوراق والمستندات
***********************
ورقة وقلم
ورقة وقلم يعنى أنا
بلاقى فيها أنفاسى وآهاتى
بلاقى فيها شمسى وقمرى
بلاقى فيها حياتى
***********************
ورقة وقلم
ورقة وقلم يعنى الذكر الحكيم
فيه كلام رب العالمين
فيه الهداية للناس أجمعين
فيه صلاح الدنيا والدين
لو اتبعناه والله والله لنسود
العالمين
