فيسبوك
واتساب
سلبى على الآخر أنا
نايم وشادد فوق راسى الغطا
لكن أحلامى اللى كانت..... تعاودنى
وكأنى فوق السحاب ماشى
والأرض من تحتى
بتقولى شاورلى
أى الطرق تبغى
أفتح لك السكة
يا ظل أحلامى اللى مايل عل حيطان.... تزوى.... كل السكك ظلمة يا مصر يا بلدى
أسوارك العالية
مين اللى علاها
إحنا وأجدادنا
ولا جنود فرعون
الأولة بلدى والتانية بلدى
نفس القصيدة اللى كانت زى ما كانت
قامت دول.. نامت
نلضم خيوط الأمل تنفك من تانى
نحفى على مر السنين
نسعى
لكن عنوانك
فوق السحاب انكتب
والحبل ما جالك
