فيسبوك
واتساب
ولسه حامسك (الألم) .. وأكتب
قومت أتوجعت
وقولت .. آآي
وقع القلم
لأ !!
وجع الألم
شوفت الضلام
من وسط ضى !!
ولسه حاكتب عــ البلد
قام الولد
سرق القلم
وساب .. الألم
عايش كأنه بيتولد
ولسه .. حى !!
قام البوليس
مسك الولد
وقاله قول
إنك خسيس
سكت الولد
وف صمته ..
قال كلام كتير
عن البلد
عن حلم شاب
كبر وشاب
من الظروف
عن حب مات
شهيد
ورا إحساس بخوف
وقبل ماما يكمل الصمت الكلام
نطق الولد
أيوه نطق
وف اعترافه بالخطأ
قال إن مامته
بكرة جايلها عريس
بكرة جاى !
أحمد عبدالعليم يكتب: ولسه حامسك (الألم) .. وأكتب
الثلاثاء، 18 مايو 2010 12:35 م
ماذا أكتب عن البلد التى أحب؟
