رفعت محفوظ يكتب: على شـــط النـــيل

من يوم نويت ع السفر
قلــت أزور بــلدى
يمـكن يعـود لى شبابى
لـما أشـوف أهـلى
وأرجع لذكرى طفولتى
ولــعـصر وللّى وفــات
وكمـان أزور المــقابـر
وأدعـى للأ مــوات
والـفاتحة لأمى وأبويا
والأخـوة والأخـــوات
وهدايــا حــلوة جميلة
لأولاد بقيــت أهـــلى

بعــد الغدا فى الـعـصارى
قــعدت فـى جــنينة
ع الــشط جــنب الــقناطر
مـا هـى بـــلدى ادفــــينا
وقــصر "فاروق" مَــلِكْنا
شــايفينه بـعنينــه
ولــحن من نــاى بــعيد
صــوته بيـشجــينا
والنــخل طـــارح بـــلح
زغـــلول مـع سـمـــانى
تــبـارك الله فى حــسنه
وبفـــضله يـــعطينا

بصــيت عـلى النـــيل لقيت
الـــميه فــيه واقفــة
بـقى زى إنسان عجـــوز
ولا عــادشى فـــيه عافـــية
والمــــية راكـــدة حـــزينة
ولـــونها مــش هـــوّه
أنا قــلت أمدلها ايـــدى
وأغــرفلى كــام رشـــفه
سمعـت هاتـــف يقـول لـى
ابـــعد ايـــديك عـــنها
اوعـى تـدوقها يا صاحـبى
لـتروح كـــده ف داهــــية

رجـــعت لأيـــام طــفولتى
واحــنا لـــسه صـــغار
والســـقا شــايل صـفيحته
يمــلا لنا فـى الأزيـــار
والحـاجّه بايـدها الكــريمة
تـــروّقها بالــــشبّه
تـــنزل مـن الـــزير تـــنقط
خاليه مـن أى عكـار

امــتى يا نــيـلنا الحبيــب
يـــرجـع لنـــا لـــونك
ويعـــود الــيك الـــشباب
ونشــوف سمـــار طــينك
ونـطهـرك م الـــسموم
ونـــقول فــيك المــواويل
والقعــده تـبقى جمــيلة
مـع كــل حِـــب جـــميل
ويعود زمن "ثـومه" تانى
لـــما تـــقول يا نـــيل