السيد غريب يكتب: موال

دقيت بباب الهوى قلت الفقير عطشان
قلبى لا عمره ارتوى
ولا ليلة بات فرحان
اسقونا لجل النبى وزيدوا المحبة حفان

آهن يا عين الحسد
مالك ومال قلبى
عشق البنات قسمتى
والسمرا دى حبى

عاشق عيون القمر.. وعيونه بتخبى
حلم الفقير ونس.. وانا حلمى على قدى
بحلم أضم القمر.. واسقيه رضاب حبى

يا أميرة يا أم الخدود تفاح
حنى على ببسمتك خلى الفقير يرتاح
قلبى خزاين هوى
وفرمك المفتاح

وبين شفايفك أنا.. تايه بلا مرسى
رامى قلوع مركبى.. يا مركبى ارسى
بلد الحبيب مقصدى.. والقلب لم ينسى

دقيت ببان الهوى والقلب عاش محتار
فيه إيد تجيب الدوا وإيد تقيد النار
...............................