رغم الدموع ورغم القـيود شمسك هتفضل ماليه الوجود
يمكن دى لحظة فيها خريف دبلان الورق وبتبكى الورود
كلامك وصمتك كله معانـــى وصبرك عزيمتك ماليها حدود
عزيزة قوية يا رمز السلام نارك بتحرق قلب الحقـــــود
تاريخك ودورك عايش وصاحى وبهمة ولادك تعدى الســدود
ولادك فداكى يضحوا عشانك ولما تنادى تلاقى الــــــردود
بنحبك مهما قســـيتى علينا دا قلبك يا أمى عليــــنا ودود
قلوبنا بتعشق وتهوى ترابك ونيلك ودمى فصيلة شـــهود
بنحبك حقيقى فى حرك وبردك دا عشق ومحبة وبينا عـهود
لوغيمة فى لحظة عدت علينــا شمسك بسرعة ترجع تعــود
فكرك تأمل يجدد نشاطــك ونجمك طريقه مجد وصعود
مكانتك هتفضل رغم الجميع هازمة الأعادى وكايدة الحسود
جذورك قوية مهما الرياح حاولت تهزك تزيدى صمود
كنت ولسه باقية عظيمــــة يا تاج العروبة عرين الأسود
صاينك وحافظك ربى وراعيكى كاتب لشعبك ونيلك خلــــــود
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة