عبد الفتاح على عقيلى يكتب: رسالة إلى محمود السعدنى

(أما بعد) يا عم (حوودة) *** فلك منا ألفين سلام
من أخواتك الناس الغلابه *** والعقيلى ابن الكرام
قررنا نبعث لك رسايل *** حمل حمارين بالتمام
لكن خوفنا من شقاوتك *** تلهف حميرنا واللجام
فوضنا عنا الأخ (توحه) *** ينظم لنا شوية كلام
ودعاوى توصل لك فقبرك *** بها يرحمك رب الآنام
*******
إصحابى القدام قالو لى *** صاحبك السعدنى مات
تاهت عيونى من جفونى *** والضحك اتبدل آهات
وعزفت الحان من أنينى *** لكن لسانى صابه السكات
وجريت على قلمى وورقى *** لكن الورق صابه الشياط
من نار فراق هبت فى قلبى *** وضلوعى كيف الجمريات
كنت آنت يا محمود بتسخر *** مالخلق والناس والحاجات
لكن القدر بيسخر بفعله *** وفعل القدر مالمفنيات
اخد اللى عشنا معاه بنضحك *** والضحك راح منا فسبات
فيوم مماتك الكل يبكى *** لكن فى الموت أكبر عظات
وحياة العظماء مالعجايب *** وموتهم عظيم المنذرات
وموتك لحبايبك مصيبة *** وللبعض كان مالمفرحات
أولهم الكفن اللى ضمك *** وحضن عظامك والرفات
فى وسط طيه عقد لؤلؤ *** عقلك وقلبك والصفات
تانيهم القبر اللى حظه *** بسكنى كبير المكلمات
إفرح يا قبر طلعت مرزق *** إنت وحيطانك والطوبات
وبلغ الترب اللى جنبك *** عنه طريف الحادثات
وبلغ السعدنى عنى *** ياقبر لو شاف السادات
فى الجنة أمانة عليه يصالحه *** دالأصل فى الموت الفوات
والكريم يا عم حودة *** من كرمه يغفر اللى فات