هاله أحمد تكتب: أنا مصــــــــــرى

أنا مصرى وفوق أى نقدْ
وذكائى فاق حَد الحـــدْ
جدّى بنالِى بعلمُه المجدْ
وأنا بنيت المجد الكروى
*****
أنا مصرى وبحّب الدوشة
وبركب دشْ على العِشةْ
والعِتَّة بِتِسْرَحْ ف الفًرشَة
وموبايلى أنغامُة بتِسْرِى
******
أنا مصرى وبفهم فى الإِنْشا
وبحب أفْتِى وأنا بتعَشّى
وبطّلّع النكتة الروِشة
واتريق على نفسى ف شعرى
*******
أنا مصرى واحّب النظامْ
تقول ورا رح آجِى قدامْ
هى البلد دى فيها احترامْ
يا خويا اتنَيّل واجرى
******
أنا مصرى واحب الهِتافات
وصوتى يعلا ف الأزَمات
بشوال غناوى وحِفانْ شعارات
وكفاية نِعْلاَ بصوت غجرى
******
أنا مصرى وبقْدَر أعيش
معايا ولاَّ مَمْعَايِّيش
ما فيش حرير أهوفى الخيش
وأهوكله بيدارِى ضهرى
*******
أنا مصرى وبصبُر ع المُرْ
يِشْهد عليّا تاريخ القهرْ
وان طال لِيلنا
أقول يا خالقنا
يلا بقى إِأْمُر بالفجر
وأنام وأشّد الغطا على خَصْرى
ما أنا إيه ؟ أنا مين؟
أنا .......مصرى
********