فيسبوك
واتساب
وقلت أنساك ما قدرتش
بعدت كأنى ما بعدتش
حاولت أهرب بأحلامى
بغير لقياكى ماحلمتش
نويت وكانت نيتى
أبدأ بغيرك رحلتى
لقيت هواك فـ سكتى
سابق بخطوة خطوتى
بكيت وقالت دمعتى
سامحينى كانت غلطتى
يومين والبعد خلانى
حزين القلب واحدانى
وأدينى رجعت من تانى
وقلت حبيبتى واحشانى
هواك مهما ورانى
أساك مهما بكانى
بحبك وانتى عارفانى
أسيرك وانتى أسرانى
وياما حلفت أنساك
ودايما بانسى حلفانى
