اسماء عبداللاه تكتب: يا رغيف حلال

يارغيف حلال
مانتاش محال
ولا اختراع ولا خيال
وكلام مرسل يقال
انت أسلوب فى الحياة
من غير جدال
مش هالوم على
أى حلم كنت فيه
على أى حال
كل أحلامك حلال

العيال
كل العيال
مابطلوش عنك سؤال
و السؤال ماكنش سهل
ولا كان محال
اللى يعرفه عنه حاجه
يبقى عال
الطريق الصعب
مش ممكن يكون سهل المنال
والشطارة مش معناها فن الاحتيال
و الإجابة ملخبطة على كل حال
وانت يااللى عاملى ناصح
ما انت عيل من العيال
يعنى عارف الإجابة
ولا فاهم السؤال
انت عايش فى الخيال
مستحيل
أبدا
محال
تبقى أحلامى الحلال
وهم أو حبة خيال
يبقى نور الصبح ليل
ليل طويل
من غير دليل
فيه
اتوه
والإجابة
والسؤال
والعيال...........