حرام يــــــــابيه
شوال الدقيق سرقوه
ورغيف العيش صغروه
ومن الشعير والذرة خبزوه
وللفقير أكلوه
وفى الآخر الفقير للمستشفى دخلوه
حرام يــــــــــابيه
قالوا الشباب هيجوزوه
وفى بنا بيته هيساعدوه
والشغل هيوفروه
وفى الأخر مشروع أبنى بيتك فشكلوه
وحلم الشباب دمروه
حرام يـــــــــــابيه
تصريح العمارة 6 أدوار
بقوا 16 بقدرة القادر الجبار
والمواطن ساكن ومفيش فى دماغه أى أفكار
إن الحكومة ممكن فى يوم تيجى وتشيل الأدوار
طيب قوللى يابيه كانت فين الحكومة والأنوار لما حصل ساعتها الحوار
حرام يـــــــــابيه
قالوا التطعيم خدوه
أصلهم خلاص إستوردوه
يعنى بالمنطق كدة هيرموه!!!!!
لأ طبعا على أولادنا يجربوه
والحمد لله وزير التعليم خد الحقنة وروحوه
حرام يـــــــابيه
قالك الميه ملوثة ومصدية
وشربها بيسبب فيروس سى وكل الأمراض الكبدية
والحكومة كالعادة هتحسن كل حاجة بس كله فى القلب والنية
مستعجل على إيه !!!!!
أكيد الخطوة دى جاية
وسمعنى سلام لكل مواطن إزازة ميه معدنية
والله حرام اللى بيحصل ده يابيه
حرام يــــــــــابيه
حرام يــــــــــابيه
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة