بتقوليلي
إنى خلاص بعت القضية
إزاى أبيعك ؟
وانتى ياعمرى كل اللى ليا
لما تكون القضية هى إنتِ
تبقى قضيه مش عاديه
إزاى أبيع القضية ؟
بيع القضية حكم بالإعدام لقلبى
اللى حيكون هوَّ الضحية
إزاى أبيع القضية ؟
وأنتِ عوضى عن كل أيامى اللى راحت
عن سنين عمرى اللى جايه
إزاى أبيع القضية ؟
وانتِ الوحيدة اللى حاسة بيا
أنتِ بالنسبة لى طوق نجاة
من غدر الدنيا ديا
إزاى أبيع القضية ؟
شوقى ليكِ نارمابتنطفيش
دايماً يعيد فتح ملفات القضية
إزاى أبيع القضية ؟
بتمناكِ حتى يوم
من عمرى اللى جاى
تكونى ليا
أفجرفيكِ براكين أنوثتك
اللى مش حتخرج
إلا بيا وليا
ويكفينى من شفايفك اعتراف
إنى بالنسبة لك أنا الفارس
وأنا الخيال
وأنتِ أجمل مهره شافتها عنيا
ساعتها بس حتعرفى
إنى عاشق للقضية
وإنى عمرى ياعمرى
ماحبيع القضيه
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة