كان لـيّـا قلب.. بخاف عليه
يقولى حب.. وأقوله ليه
هُما اللى حبوا كسبوا أيه
غير جرح مش معروف دواه
وأول ما شوفتك فى المنام
فتحت ألبوم الكلام
وسهرت أدور على كلمتين
يوصفوا أجمل ملاك
حبيت عيونك والخجل
وابتسامة القمر
والقلب تاه فى بحور هَنا
ما درتش يومها مين أنا
أنا اللى قلبى بخاف عليه
ولا اللى قلبى الشوق ماليه
باسأل عليكى نسمة هوى
لمست ضفايرك فى الهوا
واسأل عليك السلسبيل
فى جنة فيها الصبح ليل
يا حلم طاير فى الفضا
يا حلمى أنا
من غير وجودك يختفى كل الهنا
وأرجع من الجنة أسير
وأرجع أنا
أرجع أنا
أنا اللى قلبى بخاف عليه
يقولى حب.. وأقوله ليه
هما اللى حبوا كسبوا أيه
غير جرح مش معروف دواه
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة