يا شايل الهم
زيل الهم من قلبك
حتلاقى ورد وزهور
بعبيرها تضحك لك
وطيور جميلة ترفرف
فى الفضا العالى
وعصفوره حلوه وشقيه
جنبك تشقشق لك
....
الدنيا حلوه ياصاحبى
مع صحبة الأحباب
تلقى معاهم مودّه
وحب ..عمره ما غاب
والكلمه منهم شفا
لكل قلب جريح
والبسمه فوق الشفايف
أحلى من أحلى رضاب
....
القلب بيطير فرح
لو طلّوا أحبابى
ويبقى يوم الهنا
لو دقوا على بابى
وان حـدّ منهم نسانى
أو زعل منى
أرجع أطبطب عليه
من غير ملام وعتاب
...
يا اللى انت عايش لوحدك
من غير ونيس وصديق
والحزن عشّش فى قلبك
وللفرح ..ما تطيق
عامل تصرف حبايبك
بموده ..ورأى رفيق
حتلاقى نفْسك جميل
والدنيا تضحك لك
والكـل يـثنى عليك
وتبقى أحلى صديق
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة