فيسبوك
واتساب
بخاف من الحلم
يوم يدينى فوق حجمى
ماهو الواقع على احلامى
مبيركبش ..
وليه يبقى السبب مني
وليه لازم اكون الكبش ..
عشان سلبى .. وده السايد
وجاية لسه بتطالبى ..
بكل الصعب !!
يا احلامى
انا اصلا مليش مال
مليش كلمة مليش وقفة
ووضعى سببه اهمالي
حقوقى المنح بالرأفة
فبلاش انا وانتى نتعشم
نقول قربنا من التغيير
وانا بينى وبين نفسي
هكون خايف
عشان ده ذنب مش مسموح
افكر بس اقول رأيى
احاول يبقى ليا طموح
سياسة قمع بنتيجة
امارس بس حق الشوف
مصايب ليها تخريجة
وايه دلوقتى مش مشكوف
يا احلامى اكيد واضح
وعلى يدك
ايديا حاططها على خدك
ومستنى ..حالى هو
حال الشعب !!
