قلبه شارع
من الشوارع
فيه بيوت وبلكونـات
فيه شباب بيقفــوا
ع الناصية وبالساعات
فيه حاجات
فيه حفر وبلاعـات
و مطب صناعى للسيارات
فيه بنات وأمهات
ومحجبات وسـافرات
وناس كتيره عايشه
ع اللى فات والذكريات
وناس شقيانة
مابتكسبش غير فتات
وشحاتين
وأصحاب العاهات
و ناس فقيرة كتير
و أولاد الذوات
الشارع طويل
متفرعة منه حارات
و الحارات مليانـة
برضو بــ حكايات
اللى فات منها ومات
واللى عايش سنين
طويله وبرضوا مات
واللى عمره أطــول
من كل الحاجــات
واللى قلبه لمـا يـدق
تسمعه كل الساعات
واخد اسمه من الشوارع
و ملامحه من الحارات
عايش يدوبك ع الفتات
خوفه مليان بالسكات
لسه عيل!!
و عنده ياما ذكريات
ولا أمهات ولا أبهات
ولا راح مدارس ولا أتعلم لغات
ولا صنعة عنده
يعنى ضـايع فى كل الحـالات
و قلبه؟
قلبه مليان بالحفر والبلاعـات
مشاركة
اضف تعليقاً واقرأ تعليقات القراء
مشاركة
