مصطفى محمود يكتب.. كان ياما كان؟؟

ولاحدوتة كان ياماكان
أيوه ده كله كان فى زمان
كنا بنفرح فرحة ورد
كانت الضحكة قد الخد
كانت البسمة لما
تلالى تطرح سعد
حتى طعم الحب أتغير
بقى شىء مخجل بقى بيحير
حتى رباط الحب بقى عرفى
كلمة فى ورقة تصبح ملكى
والتقاليد الحلوة ما فاتت
وكلمة عيب ياعينى أهى ماتت
وكلمة فرحة صبحت روشة
حتى الجد أصبح طحن
وكلمة هاى بدل أزيك
ومبايلات ودش ونت
وأتخن راجل بقى
مخلوع من أرفع ست
مش هاقولك توتة توتة
لأنها مش حدوتة
تسيبنى أكمل
كمان تتحمل
ندخل تانى على الجيران
آخر جارك هو سلام
يبقى ياقلبى عنده الميت
وسيادتك قاعد فرحان
تعال فى بيتك ومع ولادك
كلمة ذاكر وخد الدرس
وكله بعدها سمع هس
أما عشان التليفزيون كله يهون
نانسى وهيفا وكمان دش
والهوت برد إش إش إش
ياعينى على قبرص
تسيبنى أكمل
ولا هاتشتم
يبقى خلاص
الحدوتة
بقت ملتوتة.