فيسبوك
واتساب
يا خالق الخلق كله بحكمة مقرية
لأهل البصر والبصيرة صبح وعشية
سرك فى بطن التراب
وفى الجبال مكتوب
فى الشمس تصبح بتضحك
وتنام فى حضن غروب
فى النسمة لما تهدى
على الخدود وتقول
فى الزمهرير بختشى
لما هوايا يطول
فى الصيف حبايبى كتير
اكتر من المعقول
والنبتة تكبر وتطرح
من كل زهر ولون
الأرض وحده.. والمية وحده
بسر كـــــن فيكـــــــــــــــــــــون
حادق ومر وحلو
يا رب سبحانك
كل الوجود حكمتك
والخلق من شأنك
شوف الرمال عـــــــدها
تقدر مدام مغرور؟؟
علمك ده صفر كبير
فى العالم المسطور
سلمها للى خلق
هاتعيش سنين مستور
شوف النجوم فى السما
تقدر تطولهالى
أو فى البحار من كنوز
تقدر تجيبهالى
فضلك علينا يا ربى
فوق حدود الشكر
وقدرتك مع رحمتك
شموع لأعظم فكر
يا خالق الخلق كله بحكمة مقرية
لأهل البصر والبصيرة صبح وعشية
