عاش الوزير اللى عملها وجانا
عاش اللى نور دربنا وهدانا
عاش البطل, ابن البطل, خلانا
نقول خلاص.. بكره الفساد ينسانا
******
آدى الوزير اللى بنستناه
آدى ابن مصر اللى هنمشى وراه
نهتف وندعى ربنا يرعاه
آدى الزكى.. اللى طريقنا معاه
هيخلص التعليم والنشئ من بلواه
******
يابدر.. عقلك ذكى,
جسدك زكى.. فواح
خلتنى أمدح وزير
وانصبلك الأفراح
داكك حصون الفساد
وقبضت له أرواح
وخاض فى بحر كبير
يهابه ميت سبّاح
عايز يطور.. يغير
مش ع الحرير ترتاح
راجل وشهم وجدع
لو يوم غدى أو راح
******
أحلف أنا بربنا
وكلامى مش مغلوط
فعل الوزير سرنا
وقوله جه مظبوط
لو حتى أنا الغلطان
ونقلنى على أسيوط
والله كنت أمدحه
وأرحل وأنا مبسوط
****
وادعى لمصر أمنا
يرزقها كام راجل
زى الوزير الجدع
مليون وزير عادل
ويبقى وسط الحكومة
ساطع كما القنديل
ولا حد يمسك إيديه
ولا يعملوا بديل
ولا ييجو بعد يومين
ويقولو فيه تعديل
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة