مشاركة
اضف تعليقاً واقرأ تعليقات القراء
عازل عن العين ضيها
وعن الإيدين لمس الحياة
وعن الحياة
ما يبقى غير حيز
يقدر يميز فيه
ما بين حاجتين
....
مع ان كل الحاجات
جوه الثبات ثابته
لا بتطرح النبته
ولا بتموت
مظبوط كلام الجدود
انه مايطلع شجر
ولا يتولد مولود
الا فى حاله خروج
القلب من سجنه
يطرح آمال بالدق
له يبنوا
زغاريط فى لحظه ميعاد
يصبح ميلاد الولد
بره جدار الخوف
......
بره الإطار كافر
ولابد ما يعافر
علشان يدوق العسل
تحت المطر يتغسل
يصرخ يقول الله
محلا البراح محلاه
..
الفجر مش عادى
والعشق مش عادى
والضى مش عادى
واليوم مهوش عادى
والعادى مش عادى
وحادى يا بادى
انت عليك الدور
*مصرى مقيم فى البرازيل
مشاركة
